नमस्कार

नमस्कार, पुन्हा भेटतांना, खूप आनंद होत आहे. ‘हेमंत आठल्ये’ नंतर ‘याम याच’ हा नवीन ब्लॉग. या ब्लॉगचा विषय ‘वाहनांचे स्वभाव’ हा असेल. विषय थोडा विचित्र वाटेल. परंतु, थोड रस्त्यावर धावणाऱ्या वाहनांचे निरीक्षण केल्यास नक्कीच लक्षात येईल. एम.एच. एक असलेले वाहन मग ते कोणतेही असो, त्याची चालण्याची पद्धत. आणि आम्हा एम.एच. ‘बारा’ वाल्यांची रस्त्यावरून धावण्याची पद्धत पाहून फरक आणि स्वभावाचे अनेक गोष्टी नक्की जाणवतील. रस्त्यावरून ही वाहने धावतांना अनेक विनोद घडतात. आणि अपघात देखील.

‘अपघात’ जरी अपघाताने घडत असला तरी थोडाफार ह्या स्वभावाचे दोष नक्कीच असतात. गेल्या दहा-बारा दिवसांपासून दिवसाला सरासरी एक असा अपघात ह्या मुंबई-पुणे एक्सप्रेस हायवेला घडत आहे. त्यामुळे ब्लॉग सुरु करण्याचे मनोमन वाटले. पण ‘वाहनांचे स्वभाव’ हा विषय मात्र अपघाताने नाही आलेला.